An Koulis nan Free Food ak Summer Fun

• Lojistik la te genyen ladann soumisyon òf pou pwogram founisè manje a, rekritman anplwaye, ak jesyon pwosesis ranbousman an.  
  
  

• Pwogram nan te evolye nan fason enpòtan pou pi byen sèvi rezidan yo.  

Nan ete ki sot pase a, Cambridge Summer Food Programm te sèvi prèske 61,000 mane maten, manje midi ak soupe bay timoun Cambridge ki genyen mwens pase 18 an. Nan nenpòt nèf sit manje piblik pwogram nan atravè vil la, jèn yo te ka patisipe ak anplwaye yo nan jwèt ak aktivite nan pak lokal yo. Pwogram nan te ofri tou manje midi gratis pou 41 kan lokal. Dèyè yon ete manje gratis ak amizman genyen yon misyon enpòtan anpil pou abòde ensekirite alimantè nan Cambridge. Ak yon pakèt lojistik.  

Se Department of Human Service Programs’ Summer Food and Fuel Assistance Office k ap jere Summer Food Program. Planifikasyon pou pwogram nan te kòmanse an fevriye lè Vil la te mete deyò yon òf pou founisè manje ke yo te bezwen pou ofri manje nourisan, opsyon vejetaryen, ak livrezon manje chak jou. Nan kòmansman prentan, anplwaye yo te antre an kontak ak kan lokal yo pou konfime si yo kalifye pou resevwa manje maten ak manje midi. Answit yo te soumèt yon aplikasyon bay Eta a — k ap reglemante pwogram nan — detaye enfòmasyon sou chak sit manje ete.

Rekritman anplwaye yo te kòmanse nan prentan an tou. Anplwaye Summer Food travay ak Cambridge Recreation pou rekrite plis pase 30 jèn moun pou travay nan pwogram nan. Yo anboche etidyan segondè Cambridge pou distribye manje ak jwe ansanm ak timoun nan sit manje piblik yo.  

Claudia Cruz, direktris pwogram nan di "Kolaborasyon nou ak Recreation enkwayab." "Genyen anpil nan anplwaye nou yo ki nan kòmansman segondè epi yo retounen nan pwogram nan chak ete. Sa kreye yon gwo sans kominote pou ekip nou an."  

Kat anplwaye tan plen Office la òganize fòmasyon avan pwogram nan kòmanse epi sipèvize tout 50 sit pandan ete a pou asire yo ke y ap swiv règlemantasyon eta a ak direktiv fòmasyon yo. Eta a ranbouse Vil la pou depans si sit manje yo twouve yo nan zòn gwo konsantrasyon fwaye salè fèb (baze sou Done Resansman Etazini) oswa si pou pi piti 50 timoun enskri nan yon kan kalifye pou Manje Midi Gratis ak Bon mache. Cruz jere pwosesis ranbousman an, kote li bay rapò chak mwa sou manje ki resevwa epi yo konsome sou chak sit.  

Tankou anpil pwogram ki ofri sèvis esansyèl, Summer Food Program nan te evolye pandan pandemi COVID-19 pou reponn ak bezwen kominote a. An 2019, operasyon kòmanse depi fen jen rive mwatye out, te genyen ladann anviwon 28 sit (ki te genyen ladann sis sit piblik) epi te bezwen manje ki dwe konsome sou sit la. An 2020 ak 2021 eta a te modifye direktiv yo epi pwogram nan te vin etann ni nan yon total 50 sit (nèf lokasyon piblik) epi te rive kapab ofri opsyon "A Anpòte" ak pwogram ki te rive pwolonje jis Fèt Travay.  

Cruz te esplike "Lè yo te retire egzonerasyon an 2022, nou te travay ak lidèchip DHSP ak ofisye eli yo pou prezève ekspansyon pwogram nan pandan n ap bay finansman Vil la pou opere sit ki pa kalifye ankò pou ranbousman eta a." "Nou te vle asire nou ke nou kapab kontinye bay manje nan kominote a nan fason ke yo te abitye pandan pandemi an."  

Metòd sa a ki te santre sou kominote twouve li nan sant operasyon Summer Food Program nan. Pou sezon 2023 a, sa te vle di yon lòt patenarya ak Cambridge Recreation pou itilize War Memorial Recreation Center kòm sant distribisyon manje pandan jou lapli. Avan chanjman sa a, sit ekstèn yo te oblije fèmen lè gen move tan pou swiv direktiv eta yo. 

Cruz te di "Nou toujou ap reflechi sou fason pou nou sèvi rezidan Cambridge yo pi byen."  

An out, avan Summer Food Program nan fini, anplwaye plen tan office la te kòmanse prepare pou Fuel Assistance Program nan pou pote konkou asistans peman fakti bay fwaye salè fèb ki kalifye nan Cambridge ak Sommerville.