Participatory Budgeting nan Cambridge Genyen 10 An

• Pou selebre 10yèm anivèsè li, Participatory Budgeting te bay yon montan lajan rekò epi te ogmante pwojè kalifye yo. 

Participatory Budgeting, ki se yon pwosesis demokratik pou rann manm kominote yo otonòm gras ak angajman sivik pou deside nan ki fason pati nan bidjè piblik la ap sèvi, genyen 10 an otòn sa a. An 2022, yon rekò 8,707 rezidan Cambridge — ki genyen 12 an ak plis — te vote fason pou finanse Participatory Budgeting nan pou rezoud bezwen kominotè. Nivo patisipasyon sa a reprezante yon ogmantasyon 15 pousan parapò ak sik anvan an. Depi pwosesis inogirasyon 2014 la, Vil Cambridge te ranmase plis pase 7,000 lide, te konte plis pase 56,000 vòt, epi te angaje prèske $7.5 milyon pou pwojè atravè nèf sik yo pou Patisipatory Budgeting yo. 

Vil la te atribye yon gwo rekò $2 milyon nan 10yèm pwosesis sa a, sa ki double bidjè $1 milyon yo te genyen anvan an. Pwojè ki kalifye pou finansman ane sa a te ogmante pou genyen ladann kapital ak pwojè operasyon. Yo te soumèt ak vote plis pase 1,100 lide an 2023 pou 10yèm pwosesis ki pral fèt an mas 2024 la.

Pou aprann plis sou Bidjè Patisipatif, vizite sitwèb Vil la nan pb.cambridgema.gov.