Mesaj Direktè Minisipal La

Chè Kominote Cambridge,

Chanjman klimatik se batay jenerasyon nou an. Toutpandan m ap li nouvèl la, mwen vin gen plis enkyetid toutpandan syantifik nou yo eksprime plis enkyetid yo sou sa n ap aprann yo. Nou deja wè efè rapid rechofman planèt nou an – gwo chalè, gwo dife ki voye lafimen rive plizyè milye kilomèt, ak gwo tanpèt ki inonde vil yo ak tout ti bouk yo. Klima nou an k ap chanje ap gen enpak nonsèlman sou moun ki pi vilnerab atravè monn nan, men tou sou nou plan lokal nan Cambridge. Sa nou fè nan pwochen dizan an pral ouvri chemen pou monn n ap kite pou pitit nou yo ak jenerasyon kap vini an.

Pale sou rechofman planèt la pral mande yon gwo restriktirasyon nan ekonomi nou yo ak enfrastrikti nou yo epi sa ban mwen espwa n ap wè aksyon enpòtan ni nan nivo federal ni nan nivo eta a. Lwa Federal sou Rediksyon Enflasyon an ap fè plis pase 500 milya dola envestisman nan klima ak eta a ap ensiste sou ogmante jenerasyon enèji renouvlab ak amelyore enfrastrikti rezo ki pral chanje fason nou itilize kouran. Men, anpil nan chanjman ki nesesè yo pral lokal tou, sa n ap fè antanke vil pou n chanje fason n ap viv, fason n ap travay ak fason n ap vwayaje.

Vil Cambridge te yon lidè klima pandan anpil ane epi li te travay kòt a kòt ak Konsèy Minisipal la, aktivis klima ak ekspè, lidè biznis ak enstitisyonèl, ak rezidan yo pou trase yon chemen pou pi devan. Plan aksyon zewo kabòn nan te adopte an 2015 epi li te mete nou sou chemen ak pwogram klima priyoritè yo. Nan mwa jen ki sot pase a, nou te pase yon etap enpòtan ak adopsyon yon òdonans divilgasyon itilizasyon enèji bilding (BEUDO) ki amande, ki egzije gwo bilding ki pa rezidansyèl pou diminye emisyon gaz ki lakoz rechofman planèt la ak yon egzijans zewo kabòn nan lane 2035. Bilding BEUDO reprezante ~60% nan emisyon Vil la epi règleman sa a vize yon rediksyon 70% nan emisyon BEUDO rive 2035, ki reprezante objektif vil ki pi gwo nan peyi a. Apati mwa out 2023, nou te adopte tou yon nouvo règleman sou konbistib fosil ki pral mete restriksyon sou itilizasyon konbistib fosil nan nouvo konstriksyon oswa gwo renovasyon. Nou mete plis estasyon rechaj veyikil elektrik piblik tou.

Edisyon sa a nan Lavi nan Cambridge pral bay yon apèsi sou gwo inisyativ sa yo ansanm ak anpil lòt travay klimatik k ap fèt atravè Vil la. Ou pral aprann tou sou sa Vil la ap fè pou sipòte rezidan yo ak biznis yo, kijan ou ka fè yo tande vwa w, ak aksyon ou ka pran pou fè yon diferans – si wi ou non w ap enskri pou pwogram elektrisite 100% renouvlab Cambridge Community Electricity oswa w ap sèvi avèk pwogram konpòs gratis Vil la. Pou aprann plis sou travay klimatik Vil la ak kijan ou ka ede, vizite www.cambridgema.gov/ CDD/climateandenergy pou plis enfòmasyon. Si rezidan yo ta renmen konekte ak yon moun nan vil la sou travay sa a, nou ankouraje w voye yon imèl bay climate@cambridgema.gov.

Nou nan yon pwen chnajman direksyon mondyal epi pandan mwen fyè de travay nou te fè a, gen pi plis pou nou fè. Menm jan ak tout travay nou yo, nou pral avanse ansanm kòm yon kominote.

Kòdyalman,

Yi-An Huang