የCambridgeን የወደፊት እድገት መገንባት

በአስፈላጊ መሠረተ ልማቶች ላይ ኢንቨስት ማድረግ 

መሠረተ ልማቶችን መንከባከብ እና ማሻሻል ከከተማ አስተዳደሩ ዋና ዋና የረጅም ጊዜ ኃላፊነቶች መካከል አንዱ ነው። የFY27 የካፒታል በጀት የመሬት ስር መሠረተ ልማት አውታሮችን ለማሻሻል፣ የጎርፍ አደጋን ለመከላከል እና የውኃ ጥራትን ለማስጠበቅ የተመደቡ ዋና ዋና ኢንቨስትመንቶችን የያዘ ሲሆን፣ ከእነዚህም መካከል፦ 

• $12.4 ሚሊዮን ዶላር ለመልሶ ግንባታ ፕሮጀክቶች  
• $9.4 ሚሊዮን ዶላር የፍሳሽ እና የዝናብ ውኃ ማስወገጃ ሥርዓቶችን ለማሻሻል  
• 7.5 ሚሊዮን ዶላር ለCombined Sewer Overflow (CSO፣ የተቀናጀ የፍሳሽ ማስወገጃ) ፕሮጀክቶች  
• $500,000 ዶላር ተፈጥሯዊ መፍትሔዎችን ለሚጠቀሙ የዝናብ ውኃ ማስወገጃ መሠረተ ልማቶች  
• $500,000 ዶላር የአየር ንብረት ተጽዕኖዎችን የመቋቋም አቅምን ለማጠናከር ለሚደረጉ ጥረቶች  

እነዚህ ፕሮጀክቶች በአንድነት ያረጁ መሠረተ ልማቶችን ለማዘመን የሚያግዙ ሲሆን፣ በተደጋጋሚ ለሚከሰቱ ከባድ የአየር ሁኔታዎችን በተሻለ ሁኔታ እንድትቋቋም Cambridgeን ያዘጋጃሉ። 

በመላው ማኅበረሰብ ላይ ኢንቨስት ማድረግ 

የከተማ አስተዳደሩም በመላው Cambridge ውስጥ ዋና ዋና የካፒታል ማሻሻያዎችን ለመደገፍ $90.3 ሚሊዮን ዶላር ቦንድ እንዲወጣ ፈቅዷል። 

እነዚህ ኢንቨስትመንቶች የማዘጋጃ ቤት ሕንፃዎችን ለማደስ፣ ፓርኮችን እና ክፍት ቦታዎችን ለማሻሻል፣ የከተማ ደን ልማትን ለማሻሻል፣ የከተማውን የድርጅት ሀብት ዕቅድ ሥርዓት (ERP) ለማዘመን፣ ለሁሉም ተጠቃሚዎች ደህንነትን የሚያሻሽሉ የComplete Streets ፕሮጀክቶችን ለማስፋፋት፣ እንዲሁም የትምህርት ቤት ተቋማትን ለመንከባከብና ለማሻሻል ይረዳሉ። 

በጀቱ በእጅ ላይ ባለው ገንዘብ የሚሸፈን (Pay-As-You-Go) የ$11.2 ሚሊዮን ዶላር የገንዘብ ድጋፍን ያካተተ ሲሆን፣ ይህም የከተማ አስተዳደሩ ብድር ሳይወስድ ለተወሰኑ አንድ ጊዜ ብቻ ለሚከናወኑ ፕሮጀክቶች በቀጥታ እንዲከፍል ያስችለዋል። ተገቢ በሆነበት ጊዜ በእጅ ላይ ያለን ገንዘብ መጠቀም ወደፊት የሚከፈለውን የዕዳ ወጪ ለመቀነስ እና የፋይናንስ ነፃነት እንዲኖር ያደርጋል። 

አስተማማኝ የውኃ አገልግሎት ላይ ኢንቨስት ማድረግ

ከከተማዋ አጠቃላይ የካፒታል ፕሮግራም በተለየ መልኩ፣ የውኃ መሠረተ ልማት ፕሮጀክቶች የሚሸፈኑት ከውኃ አገልግሎት ክፍያዎች እና ከውኃ ቦንድ በሚገኝ ገቢ ነው። 

የFY27 በጀት ለውኃ መሠረተ ልማት ግንባታ $2 ሚሊዮን ዶላር፣ እንዲሁም በከተማው የውኃ ማጣሪያ ሂደት ውስጥ ጥቅም ላይ የሚውለውን የኦዞን ጄነሬተር ለመተካት $310,000 ዶላር የመደበ ሲሆን፣ ይህም ነዋሪዎች ሁልጊዜ ንጹሕና አስተማማኝ የመጠጥ ውኃ እንዲያገኙ ያደርጋል። 

ለረዥም ጊዜ ማቀድ 

የከተማው አስተዳደር የዛሬን የመሠረተ ልማት ፍላጎት ከወደፊቱ የበጀት አቅም ጋር በጥንቃቄ በማመዛዘን እያንዳንዱን ፕሮጀክት ያቅዳል። ፕሮጀክቶችን ለብዙ ዓመታት በማቀድ፣ በተለያዩ የከተማ አስተዳደሩ ክፍሎች የሚደረጉ ኢንቨስትመንቶችን በማስተባበር እንዲሁም መሠረተ ልማቶች ሳይበላሹ አስቀድሞ በመንከባከብ፣ Cambridge የሕዝብ ንብረቶችን መጠበቅ፣ የረዥም ጊዜ ወጪዎችን መቀነስ እና ይበልጥ ጠንካራና ችግሮችን መቋቋም የሚችል ማኅበረሰብ መገንባት ትችላለች።