የCambridge ከተማ አስተዳደር Inspectional Services Department በPrivate Property Rodent Control ፕሮግራም አማካኝነት የቤት ውጪ የአይጥ ቁጥጥር አገልግሎቶችን በነፃ ያቀርባል። 2021 ላይ ከተጀመረበት ጊዜ አንስቶ ይህ ፕሮግራም የባለሙያ ፍተሻዎች፣ መፍትሔዎች እና የክትትል ጉብኝቶች በማቅረብ ከ900 በላይ ብቁ የሆኑ መኖሪያ ንብረቶችን ረድቷል። ነዋሪዎችም ውጤታማ የአይጥ መከላከል ዘዴዎች ላይም ትምህርት ያገኛሉ። መኖሪያ ሰፈሩን ከአይጥ የጸዳ ለማድረግ የንፅሕና አጠባበቅ እና የጋራ ኃላፊነት ወሳኝ እንደመሆናቸው መጠን የከተማ አስተዳደሩ ማኅበረሰብ አቀፍ ተሳትፎን ያበረታታል።

በCambridge Community Learning Center የሚተዳደረው Bridge to College ፕሮግራም በማንበብ፣ መጻፍ፣ ሒሳብ እና የማጥናት ክህሎቶች ዙሪያ የማታ ትምህርት ክፍሎችን በነፃ በማቅረብ አዋቂዎችን ለኮሌጅ እንዲዘጋጁ ይረዳል። ለCambridge ነዋሪዎች እና በአቅራቢያው ለሚገኙ የተመረጡ ማኅበረሰቦች ክፍት የሆነው ፕሮግራም ተማሪዎችን እና በተለይም ስደተኛ እና አዋቂ ተማሪዎችን በከፍተኛ ትምህርት ስኬታማ ለመሆን የሚያስፈሉትን ክህሎቶች እና በራስ መተማመን እንዲያዳብሩ ይረዳል።

የልጅ የመኪና መቀመጫዎች፣ ልጁን ከፍ የሚያደርጉ የመኪና መቀመጫዎች እና የደኅንነት ቀበቶዎችን ነዋሪዎች በአግባቡ እንዲገጥሙ ለመርዳት የልጅ የደኅንነት መቀመጫ ገጠማ እና ፍተሻ አገልግሎት በነፃ ያቀርባል። ሁሉም ልጆች ደኅንነታቸው በተጠበቀ እና የMassachusetts ሕግን ባከበረ መልኩ እየተጓዙ መሆናቸውን ለማረጋገጥ የሠለጠኑ መኮንኖች መቀመጫዎችን ይፈትሻሉ፣ መመሪያ ይሰጣሉ እና ለተቸገሩ ቤተሰቦችም የልጅ የመኪና መቀመጫዎችን በነፃ ሊያቀርቡ ይችላሉ።

የCambridge Public Library ለታሪካዊ መዝገቦች፣ የዘር ሐረግ መረጃ ቋቶች እና የባለሙያ መመሪያ ከክፍያ ነፃ የሆነ ተደራሽነት በመስጠት እንዴት የዘር ሐረግዎን እንዲያውቁ ሊረዳዎት እንደሚችል ይወቁ። ገና እየጀመሩ ወይም ጠለቅ ያለ ምርመራ እያደረጉ ቢሆንም፣ በአካባቢያዊ መዝገብ ቤቶች፣ የከተማ አስተዳደር የመረጃ ማውጫዎች እና የሕዝብ ቆጠራ መረጃዎች አማካኝነት ከታሪክዎ ጋር ግንኙነት ይፍጠሩ።